ඇතැම් ප‍්‍රදේශවල මිල ගණන් ඉහළ දමා ඇත්තේ විවිධ මිල පරාසයන් යටතේ බවටයි වැඩිදුරටත් වාර්තා වුණේ.
සමස්ත ලංකා බේකරි හිමියන්ගේ සංගමයෙ සභාපති එන්.කේ. ජයවර්ධන මහතා සඳහන් කළේ බේකරි නිෂ්පාදනවල මිල ගණන් ඉහළ දැමීමට සංගමයක් ලෙස මෙතෙක් තීරණයක් ගෙන නොමැති බවයි.
එහෙත් පිටිමිල ඉහළ යාම හේතුවෙන් බේකරි හිමියන් විසින් බේකරි නිෂ්පාදනවල මිල ගණන් ඉහළ දමා ඇති බවට තමන්ටද දැන ගන්නට ඇතැයි ඔහු කියා සිටියා.
ඇතැම් දේශීය තිරිඟු පිටි සමාගම් පවසන්නේ ජනවාරි පළමුවැනිදා සිට ක‍්‍රියාත්මක වන පරිදි තිරිඟු පිිටි කිලෝ 01 ක මිල ඉහල දමා ඇති බවයි. ජාතිය ගොඩනැගීමේ බද්ධ ඉහළ නැංවීම ඊට හේතුව බවටයි පැවසෙන්නේ.
ඔවුන් මෙලෙස මිල වැඩිකර ඇත්තේ පාන් පිටි කිලෝ ග‍්‍රෑම් 01ක් සඳහා රුපියල් 87ක පාලන මිලක්ද පනවා තිබියදීයි. එහෙත් මේවන විට බොහෝ ප‍්‍රදේශවල තිරිඟු පිටි කිලෝ ග‍්‍රෑම් 01 ක් අලෙවි කරනු ලබන්නේ රුපියල් 89 කට බවයි නෙත් නිවුස් වෙත වාර්තා වුණේ.
මේ හේතුවෙන් බේකරි හිමියන් දැඩි ගැටලුකාරී තත්වයකට මුහුණ පා ඇති බවයි සමස්ත ලංකා බේකරි හිමියන්ගේ සංගමයේ සභාපති එන්.කේ. ජයවර්ධන මහතා සඳහන් කළේ.
EmoticonEmoticon