අනවසරයෙන් ජිවත්වන විදේශකයින් අඩු පඩියකට රැකියා සඳහා යොදා ගන්නා විවිධ කඩ සාප්පු, කර්මාන්තශාලා, ආපනශාලා වැනි ස්ථානහි හිමිකරුවන්ද වැරදිකරුවන් කෙරෙන මෙම නීති මාලාව තව මාස දෙකක් ඇතුළත අනුමත කෙරෙනු ඇත.
වරදකරුවන්ගේ සියලු සම්පත් රාජසන්තක කිරීමටත් ඔවුන්ට දඩ පැනවීමටත් කඩ සාප්පු හෝ කම්හල් හිමියන්ගේ බලපත්‍ර පවා අවලංගු කිරීමටත් මෙම නව නීතියට අනුව බලය ලැබෙයි.ඉදිරියේදී කුලී රථ රියදුරන් සහ කුලීරථ සමාගම්, ගෘහ සේවකයින් වැනි වෙනත් කොටස්ද මෙම නීතියට යටත් කෙරෙනු ඇත.
එංගලන්තයේ අනවසරයෙන් ජිවත්වන්නන්හට රැකියාවක් කිරීම, බැංකු ගිණුම් ආරම්භ කිරීම කාමර හෝ ගෙවල් කුලියට ලබාගැනීම නීතිවිරෝධී ක්‍රියාවක් වනු ඇත.අනවසරයෙන් ජිවත්වන අය උසාවි නියෝගයකින් තොරව කුලී නිවාසවලින් පිටමන් කිරීමට නිවාස හිමියන්ට බලකරන නීතියක් දැනටමත් ක්‍රියාත්මක වෙයි.
මෙතෙක් කල් සිදුවූ ආකාරයට හොරෙන් ජිවත්වන අයට රැකියා ලබාදෙන්නන් හෝ නිවාස සහ වෙනත් රැකවරණයන් සපයන්නන් " මේ පුද්ගලයින් හොරෙන් ජිවත්වන බව නොදැන" එවැනි සේවා සපයු බවක් කියා නීතියෙන් බේරීමට තිබු අවස්ථාවන්ද නව නීතියෙන් අවලංගු කර ඇත.
"විවිධ උපක්‍රම යොදා ගනිමින් බ්‍රිතාන්‍යයේ හොරෙන් ජිවත්වන සියලුම දෙනා අල්ලා ගැනීමට හැකි හැම පියවරක්ම ගැනීම සඳහා නොනවත්වා කටයුතු කිරීමට රජය අධිෂ්ඨානයෙන් යුතුව ක්‍රියා කරන බවත් නව නීතිය අනුමත වු පසු ඒවාට පිටුපා ක්‍රියාකරන කවරෙකු හට වූවද උපරිම දඬුවම් ලබාදීමට නීතියේ පුර්ණ බලය යොදාගැනීමට රජය කිසිසේත් පසුබට නොවන බවත්" මෙම අලුත් නීති රීති පිළිබඳ අදහස් දැක්වූ ආගමන කටයුතු භාර ඇමති ජේම්ස් බ්රෝකන්ශයර් පැවසුවේය.
නව නිතිය අනුමතවූ සැනෙන් රට පුරාම අනවසරයෙන් ජිවත්වන පිරිස් කොටු කර ගැනීමට අවශ්‍ය නිලධාරීන් පත්කිරීම සඳහාද කටයුතු යොදා ඇත.
එංගලන්තයේ මෙවන් නීතියක් හඳුන්වාදීම සඳහා කටයුතු කිරීමට සිදුවුයේ පසුගිය කාලයේ පාලනයකින් තොරව එංගලන්තයට වැල නොකැඩි සංක්‍රමිණිකයින් ගලා ඒමට පටන් ගැනීම නිසාය.
විශේෂයෙන් මැදපෙරදිග සහ ආසියාවේ විවිධ යුද වාතාවරණයක් පවතින රටවලින් බොහෝ පිරිසක් යුරෝපය හරහා එංගලන්තයට පැමිණෙති. මේ හැම කෙනෙක්ම එංගලන්තයේදී දේශපාලන රැකවරණය ඉල්ලා සිටිති. මෙය එංගලන්තයට දැරිය හැකි දෙයක් නොවන තරමට වර්ධනයවී ඇත.
මෙම සංක්‍රමිණකයින් යුරෝපයට ගෙන යන්නේ සංවිධානාත්මක පාතාල කල්ලි විසිනි. එවන් කල්ලි වෙත විශාල මුදලක් ගෙවා ඉතාලියට ජර්මනියට හෝ ප්‍රංශයට පැමිණෙන මෙවන් බොහෝ දෙනෙක් කෙසේ හෝ එංගලන්තයට යාමට උත්සාහ කරති.
එංගලන්තයේ නව සංක්‍රමණ නීති සම්පාදනය කෙරෙන්නේ මෙවැනි පසුබිමක් තුළය.
(lankadeepa)
Share this
Related Posts
ජයලලිතාගෙන් මෝඩිට ඉල්ලීමක්
ශ්‍රී ලංකා නාවික හමුදාව විසින් අත්අඩංගුවට ඉන්දීය ධීවරයන් 16 දෙනා නිදහස් කර ගැනීමට මැදිහත් වන ලෙස තමිල්නාඩු මහඇමතිනී ජ
මක්කම දේවස්ථානයට දොඹකරයක් කඩා වැටෙයි - 107ක් මරුට (ඡායාරුප බලන්න)
සෞදි අරාබියේ මැකා නුවර මහ පල්ලිය මතට දැවැන්ත දොඹකරයක් කඩා වැටීමෙන්
පුද්ගලයන් 107 දෙනෙකු ජීවිතක්ෂයට පත්වී 230 දෙනෙකු
ඉන්දියාවේ 90කට මරු කැදවූ ආපන ශාලාවේ පිපිරීමට හේතුව
ඉන්දියාවේ මධ්‍ය ප්‍රදේශ් හි ජහුබා නගරයේ දෙමහල් ආපන ශාලාවක සිදුවූ
පිපිරීමට හේතුව ඒ අසළ පුපුරණ ද්‍රව්‍ය ගබඩා කර 
ඊජිප්තු අධිකරණයක් අල් ජසීරා මාධ්‍ය ජාලයේ මාධ්‍යවේදීන් තුන් දෙනකුට වසර තුන බැගින් සිර දඬුවම්
ඊජිප්තු අධිකරණයක් අල් ජසීරා මාධ්‍ය ජාලයේ රූපවාහිනී මාධ්‍යවේදීන් තුන් දෙනකුට වසර තුන බැගින් සිර දඬුවම් නියම කොට තිබෙනව
EmoticonEmoticon