ශ්රී ලංකාවේ සියලූ ජාතීන්ට සමානාත්මතාව හිමිවන අයුරින් නීතියේ ආධිපත්‍ය
ආරක්ෂා කර නව ආණ්ඩුක්රම ව්‍යවස්ථාවක් ඉදිරියේදී සකසන බව විදේශ කටයුතු
අමාත්‍ය මංගල සමරවීර මහතා පවසයි. ශ්රී ලංකාවේ සාමය සහ සහජීවනය ස්ථාපිත කරමින් නව ගමනක් යාමට බලාපොරොත්තු වන බවද අමාත්‍යවරයා එක්සත් ජාතීන්ගේ සංවිධානයේ 30 වැන මානව හිමිකම් සම්මේලනයේ සමාරම්භක සැසිවාරය අමතමින් කියා සිටියා. මානව හිමිකම් කඩවී ඇති බවට එල්ල වන චෝදනා සඳහා හොඳම විසඳුම දේශපාලන විසඳුමක් බවද අමාත්‍යවරයා එහිදී පැවසීය.
ඉකුත් රජයේ ප්‍රකාශ හා පොරොන්දු ගැන නොව නව රජය ගැන විශ්වාස කරන්නැයි ද ඔහු ශ්රී ලංකාවේ ප්‍රශ්නයට සම්බන්ධ සියලු දෙනාගෙන් එහිදී ඉල්ලීමක් කළා.
අද ඇත්තේ අලුත් රජයක් බවත්, මානව හිමිකම් සම්බන්ධයෙන් නව රජය ගෙන යන වැඩපිළිවෙළට සියලුදෙනාගේ සහය අවශ්‍ය බවත්, හෙතෙම පැවසීය.ඒ අනූව සියලුදෙනාට සාධාරණය හා යුක්තිය ඉටු කිරීමට ශ්රී ලංකාවේ නව රජය ඇප කැපවී සිටින බව ද විදේශ ඇමතිවරයා කියා සිටියේය.
සංහිඳියාව ලේසියෙන් ඇති කළ හැකි දෙයක් නොවන බවත්, ඒ සඳහා කල් ගත වන බවත්, පැවසූ අමාත්‍යවරයා බොහෝ දෙනා නොඉවසිල්ලෙන් සිටින්නේ විසඳුම් අපේක්ෂාවෙන් බවත්, එය තේරුම් ගත හැකි බවත්, ප්‍රකාශ කළා.
උතුරේ ගැටලුවලට විසඳුම් වශයෙන් දැනටම රජය දේශපාලන විසඳුමක් සඳහා වැදගත් පියවර කිහිපයක් ගෙන ඇතැයිද අමාත්‍යවරයා පැවසුවේය.
නව රජය ශ්රී ලංකාවේ වගවීමේ ප්‍රශ්නය විසඳීමට ක්‍රියා කරන්නේ ජාතික ස්වාධීනත්වය අනුව බවද, ඒ සඳහා අධිකරණ යාන්ත්‍රණයක් ක්‍රියාත්මක කරන බවද හෙතෙම කියා සිටියේය.
එසේම අධිකරණ ක්‍රියාවලියේ දී සියලු ජන කොටස් අතර විශ්වාසය තහවුරු කර නීතිමය කටයුතු ගැන ඔවුන්ගේ විශ්වාසය ඇති කිරීම වගවීමේ ක්‍රියාවලියේ අත්‍යවශ්‍යම කරුණක් බවද ඔහු පැවසීය.
ඒ අනූව එම ක්‍රියාවලියේ දී අධිකරණ හා පරිපාලන ප්‍රතිසංස්කරණ අවශ්‍ය බව පිළිගන්නා බවද අමාත්‍යවරයා කියා සිටියේය.
සත්‍යය සොයා ගැනීමට විශ්‍වාසවන්ත තොරතුරු පිළිගත හැකි තොරතුරු හා ස්වාධීන යාන්ත්‍රණයක් ඇති කිරීමේ වැදගත්කම ගැන රජය ක්‍රියා කරන බවද නීතියෙන්ම සත්‍ය සොයා ගැනීම සඳහා යාන්ත්‍රණ දෙකක් පිහිටවිය යුතු යැයි ද හෙතෙම පැවසුවේය.
"ඉන් එකක් වන්නේ දකුණු අප්‍රිකාවේ මෙන් සත්‍ය සෙවීමේ කොමිසමකි. සත්‍ය යුක්තිය සංහිඳියාව සහ වැරදි යළි ඇති නොවීමේ ක්‍රියාවලියකි.
අනෙක වන්නේ අතුරුදන් වූවන් පිළිබඳ තොරතුරු දැන ගැනීමට ඔවුන්ගේ පවුල්වල අයට ඇති අයිතිය ගරු කරමින් අතුරුදන් වූවන් පිළිබඳ කොමිසමක් පිහිටුවීමයි.
අධිකරණ යාන්ත්‍රණය පිහිටුවීමේ දී විශේෂ උපදේශන මණ්ඩලයක් නීතියෙන්ම පත් කළ යුතුයි. වන්දි ගෙවීම සඳහා හානි පූර්ණ කාර්යාලයක් නීතියෙන්ම පිහිටුවිය යුතුයි.
බලයෙන් අතුරුදන් කළ අය පිළිබඳවත් , ක්‍රෝධය හා පිළිකුල ඇති කරන වෛරී ප්‍රකාශ අපරාධ ක්‍රියා ලෙස සැලකීම සඳහා දණ්ඩ නීති සංග්‍රහය සංශෝධනය කිරීමට පියවර ගෙන තිබෙනවා.
දෙමළ ජනයා අතර පවතින දුක්ගැනවිලි විසඳා යළි එවැනි දේ සිදු නොවීම සඳහා කළ හැකි එකම දේ දේශපාලන විසඳුමක්" බවද මංගල සමරවීර මහතා පැවසීය
ජගත් මානව හිමිකම් කවුන්සිලයේ 30 වැනි සැසිවාරය එක්සත් ජාතීන්ගේ මානව හිමිකම් කොමිසමේ මහකොමසාරිස් සෙයිද් අල් හුසේන් කුමරුගේ ප‍්‍රධානත්වයෙන් අද ඇරඹිණ
(ada derana)
Share this
Related Posts
කඳුරට පෙරමුණට නව නායකයෙක්
කඳුරට ජනතා පෙරමුණේ නව නායකයා වශයෙන් පාර්ලිමේන්තු මන්ත්‍රී වී.
රාධක්‍රිෂ්ණන් මහතා පත්කර තිබෙනවා. එම පක්ෂයේ මහ ලේ
යහපාලනයට සහය නොදුන් ශ්‍රීලනිප මන්ත්රීවරුන් ජනපති හමුවෙයි
ජාතික ආණ්ඩුවට සහය නොදුන් ශ්රී ලංකා නිදහස් පක්‍ෂ මන්ත්රීවරුන් සහ ජනාධිපති මෛත‍්‍රීපාල සිරිසේන මහතා අතර විශේෂ හමු
ජීනීවා යන්න ඕනේ, දුන්නේ නැත්නම් ඉල්ලා අස්වෙනවා - සසිධරන්
ජිනීවා මානව හිමිකම් කමිටුවේ සභාවාරයට තමන්ට සහභාගිවීමට දෙමළ ජාතික සන්ධානය
අවසර ලබා නොදෙන්නේ නම් තමන් උතුරු පළාත් සභා
පොලීසියට දේශපාලන ඇගිලි ගැසීම් නතර කරනවා
පොලිස් දෙපාර්තමේන්තුව තුළ දේශපාලන ඇගිලි ගැසීම්වලට ඉඩ නොතබන බව නීතිය හා
සාමය සහ බන්ධනාගාර ප්‍රතිසංස්කරණ අමාත්‍ය තිලක්
EmoticonEmoticon